Introduction
ॐ हरिः ॐ
श्री गुरुभ्यो नमः
हरिः ॐ
ॐ श्री कृष्ण परमात्मने नमः
श्रीमद् भगवद् गीता
अथ षष्ठोऽध्यायः |
आत्मसंयमयोगः |
om hariḥ om
śrī gurubhyo namaḥ
hariḥ om
om śrī kṛṣṇa paramātmane namaḥ
śrīmad bhagavad gītā
atha ṣaṣṭho’dhyāyaḥ |
ātma-saṁyama-yogaḥ |
Verse 1
श्रीभगवानुवाच |
अनाश्रितः कर्मफलं
कार्यं कर्म करोति यः |
स संन्यासी च योगी च
न निरग्निर्न चाक्रियः ||१||
śrī-bhagavān uvāca |
anāśritaḥ karma-phalaṁ
kāryaṁ karma karoti yaḥ |
sa saṅnyāsī ca yogī ca
na niragnir na cākriyaḥ ||1||
The Blessed Lord said:
One who performs their bounden duty without depending on the fruits of actions is a sannyasi and a yogi; not just one who has renounced rituals (fire) and actions.
Verse 2
यं संन्यासमिति प्राहुः
योगं तं विद्धि पाण्डव |
न ह्यसंन्यस्तसङ्कल्पः
योगी भवति कश्चन ||२||
yaṁ saṅnyāsam iti prāhuḥ
yogaṁ taṁ viddhi pāṇḍava |
na hyasaṅnyasta-saṅkalpaḥ
yogī bhavati kaścana ||2||
O Pāṇḍava, please know yoga to be that which they call renunciation; no one verily becomes a yogi who has not renounced aimless thoughts.
Verse 3
आरुरुक्षोर्मुनेर्योगं
कर्म कारणमुच्यते |
योगारूढस्य तस्यैव
शमः कारणमुच्यते ||३||
ārurukṣor muner yogaṁ
karma kāraṇam ucyate |
yogārūḍhasya tasyaiva
śamaḥ kāraṇam ucyate ||3||
For a muni or sage who wishes to attune to yoga, selfless dedicated action is the means. For the same sage who is attuned to yoga, stillness is the means.
Verse 4
यदा हि नेन्द्रियार्थेषु
न कर्मस्वनुषज्जते |
सर्वसङ्कल्पसंन्यासी
योगारूढस्तदोच्यते ||४||
yadā hi nendriyārtheṣu
na karmasvanuṣajjate |
sarva-saṅkalpa-saṅnyāsī
yogārūḍhas tadocyate ||4||
When one is not attached to sense-objects, when one is not driven by selfish actions, and has renounced all aimless thoughts, then one is attuned to yoga.
Verse 5
उद्धरेदात्मनात्मानं
नात्मानमवसादयेत् |
आत्मैव ह्यात्मनो बन्धुः
आत्मैव रिपुरात्मनः ||५||
uddhared ātmanātmānaṁ
nātmānam avasādayet |
ātmaiva hyātmano bandhuḥ
ātmaiva ripur ātmanaḥ ||5||
Let a person lift oneself by one’s own Self! Let one not lower oneself by one’s own self. The Self alone is the friend and the self alone is the enemy of oneself!
Verse 6
बन्धुरात्मात्मनस्तस्य
येनात्मैवात्मना जितः |
अनात्मनस्तु शत्रुत्वे
वर्तेतात्मैव शत्रुवत् ||६||
bandhur ātmātmanas tasya
yenātmaivātmanā jitaḥ |
anātmanas tu śatrutve
vartetātmaiva śatruvat ||6||
The Self is the friend of the self for one who has conquered the self by the Self, but to the unconquered self, the self itself stands in the path like an enemy.
Verse 7
जितात्मनः प्रशान्तस्य
परमात्मा समाहितः |
शीतोष्णसुखदुःखेषु
तथा मानापमानयोः ||७||
jitātmanaḥ praśāntasya
paramātmā samāhitaḥ |
śītoṣṇa-sukha-duḥkheṣu
tathā mānāpamānayoḥ ||7||
A person who is peaceful and controlled is balanced in heat and cold, pain and pleasure, and in honor and dishonor. Such a person is well established in the Self.
Verse 8
ज्ञानविज्ञानतृप्तात्मा
कूटस्थो विजितेन्द्रियः |
युक्त इत्युच्यते योगी
समलोष्टाश्मकाञ्चनः ||८||
jñāna-vijñāna-tṛptātmā
kūṭastho vijitendriyaḥ |
yukta ityucyate yogī
sama-loṣṭāśma-kāñcanaḥ ||8||
The yogi – who is satisfied with knowledge and wisdom, who remains unshaken, who has conquered the senses, and to whom dirt, stones, and gold are the same – lives in harmony.
Verse 9
सुहृन्मित्रार्युदासीन
मध्यस्थद्वेष्यबन्धुषु |
साधुष्वपि च पापेषु
समबुद्धिर्विशिष्यते ||९||
suhṛn-mitrāryudāsīna-
madhyastha-dveṣya-bandhuṣu |
sādhuṣvapi ca pāpeṣu
sama-buddhir viśiṣyate ||9||
One who feels the same towards good-hearted friends and to enemies, towards the indifferent, neutral, hateful, and relatives, and to the righteous and unrighteous, excels.
Verse 10
योगी युञ्जीत सततम्
आत्मानं रहसि स्थितः |
एकाकी यतचित्तात्मा
निराशीरपरिग्रहः ||१०||
yogī yuñjīta satatam
ātmānaṁ rahasi sthitaḥ |
ekākī yata-cittātmā
nirāśīr aparigrahaḥ ||10||
The yogi should constantly practice concentration of the mind, remaining alone in solitude, with the mind and body controlled. Thus the yogi is free from hope and greed.
Verse 11
शुचौ देशे प्रतिष्ठाप्य
स्थिरमासनमात्मनः |
नात्युच्छ्रितं नातिनीचं
चैलाजिनकुशोत्तरम् ||११||
śucau deśe pratiṣṭhāpya
sthiram āsanam ātmanaḥ |
nātyucchritaṁ nātinīcaṁ
cailājina-kuśottaram ||11||
Establish a firm seat in a clean spot, neither too high nor too low, made of a cloth, a skin, and kuśa-grass, one over the other.
Verse 12
तत्रैकाग्रं मनः कृत्वा
यतचित्तेन्द्रियक्रियः |
उपविश्यासने युञ्ज्यात्
योगमात्मविशुद्धये ||१२||
tatraikāgraṁ manaḥ kṛtvā
yata-cittendriya-kriyaḥ |
upaviśyāsane yuñjyāt
yogam ātma-viśuddhaye ||12||
At that seat – having made the mind single-pointed, with the activities of the mind and the senses controlled – practice yoga for the purification of the mind.
Verse 13
समं कायशिरोग्रीवं
धारयन्नचलं स्थिरः |
सम्प्रेक्ष्य नासिकाग्रं स्वं
दिशश्चानवलोकयन् ||१३||
samaṁ kāya-śiro-grīvaṁ
dhārayann acalaṁ sthiraḥ |
samprekṣya nāsikāgraṁ svaṁ
diśaś cānavalokayan ||13||
Firmly hold the body, head, and neck straight, focus on the tip of the nose, without looking around.
Verse 14
प्रशान्तात्मा विगतभीः
ब्रह्मचारिव्रते स्थितः |
मनः संयम्य मच्चित्तः
युक्त आसीत मत्परः ||१४||
praśāntātmā vigata-bhīḥ
brahmacāri-vrate sthitaḥ |
manaḥ saṁyamya mac-cittaḥ
yukta āsīta mat-paraḥ ||14||
The yogi is seated balanced, with the heart serene and fearless, firm in the vow of brahmacarya, with the mind controlled, always thinking of Me, and having Me as the Supreme Goal.
Verse 15
युञ्जन्नेवं सदात्मानं
योगी नियतमानसः |
शान्तिं निर्वाणपरमां
मत्संस्थामधिगच्छति ||१५||
yuñjann evaṁ sadātmānaṁ
yogī niyata-mānasaḥ |
śāntiṁ nirvāṇa-paramāṁ
mat-saṁsthām adhigacchati ||15||
Thus, always keeping the mind balanced, the yogi, with the mind controlled, attains the Peace residing in Me, which culminates in total liberation (nirvāṇa or mokṣa).
Verse 16
नात्यश्नतस्तु योगोऽस्ति
न चैकान्तमनश्नतः |
न चातिस्वप्नशीलस्य
जाग्रतो नैव चार्जुन ||१६||
nātyaśnatas tu yogo’sti
na caikāntam anaśnataḥ |
na cātisvapna-śīlasya
jāgrato naiva cārjuna ||16||
Yoga is not possible for one who eats too much or too little.
Yoga is not possible for one who sleeps too much or too little, O Arjuna!
Verse 17
युक्ताहारविहारस्य
युक्तचेष्टस्य कर्मसु |
युक्तस्वप्नावबोधस्य
योगो भवति दुःखहा ||१७||
yuktāhāra-vihārasya
yukta-ceṣṭasya karmasu |
yukta-svapnāvabodhasya
yogo bhavati duḥkha-hā ||17||
Yoga becomes the destroyer of pain for the one who is moderate in eating and recreation, who is moderate in exertion during activities, and who is moderate in sleep and wakefulness.
ॐ तत्सत्
इति श्रीमद्भगवद्गीतासु उपनिषत्सु
ब्रह्मविद्यायाम् योगशास्त्रे
श्रीकृष्णार्जुनसंवादे
आत्मसंयम योगो नाम
षष्ठोऽध्यायः |
ॐ हरिः ॐ |
श्री गुरुभ्यो नमः
हरिः ॐ ||
om tat-sat
iti śrīmad-bhagavad-gītāsu upaniṣatsu
brahma-vidyāyām yoga-śāstre
śrī-kṛṣṇārjuna-saṁvāde
ātma-saṁyama yogo nāma
ṣaṣṭho’dhyāyaḥ |
om hariḥ om
śrī gurubhyo namaḥ
hariḥ om ||
सर्वधर्मान परित्यज्य मामेकं शरणं व्रज |
अहं त्वा सर्वपापेभ्यः मोक्षयिष्यामि मा शुचः||१८-६६||
sarva-dharmān parityajya māmekam śaraṇaṁ vraja |
ahaṁ tvā sarva-pāpebhyaḥ mokṣayiṣyāmi mā śucaḥ ||18-66||
Abandoning all Dharmas, (of the body, mind, and intellect), take refuge in Me alone; I will liberate you from all sins; grieve not.
ब्रह्मार्पणं ब्रह्म हविः ब्रह्माग्नौ ब्रह्मणाहुतम् |
ब्रह्मैव तेन गन्तव्यं ब्रह्म कर्म समाधिना ||४-२४||
brahmārpaṇaṁ brahma haviḥ brahmāgnau brahmaṇā hutam |
brahmaiva tena gantavyaṁ brahma karma samādhinā ||4-24||
BRAHMAN is the oblation; BRAHMAN is the clarified butter, etc., constituting the offerings; by BRAHMAN is the oblation poured into the fire of BRAHMAN; BRAHMAN verily shall be reached by him who always sees BRAHMAN in all actions.
ॐ हरिः ॐ
श्री गुरुभ्यो नमः
हरिः ॐ ||
om hariḥ om
śrī gurubhyo namaḥ
hariḥ om ||