श्री रुद्राष्टकम् śrī–rudrāṣṭakam
from tulasī rāmāyaṇa by śrī gosvāmi tulasīdāsa
Verse 1
नमामीशमीशान निर्वाणरूपं
विभुं व्यापकं ब्रह्मवेदस्वरूपम् ।
निजं निर्गुणं निर्विकल्पं निरीहं
चिदाकाशमाकाशवासं भजेऽहम् ॥१॥
namāmīśam-īśāna nirvāṇa-rūpaṁ
vibhuṁ vyāpakaṁ brahma-veda-svarūpam।
nijaṁ nirguṇaṁ nirvikalpaṁ nirīhaṁ
cidākāśam-ākāśa-vāsaṁ bhaje’ham ॥1॥
Verse 2
निराकारमोङ्कारमूलं तुरीयं
गिराज्ञानगोतीतमीशं गिरीशम् ।
करालं महाकालकालं कृपालं
गुणागारसंसारपारं नतोऽहम् ॥२॥
nirākāram-oṅkāra-mūlaṁ turīyaṁ
girājñāna-gotītam-īśaṁ girīśam ।
karālaṁ mahākāla kālaṁ kṛpālaṁ
guṇāgāra-saṁsārapāraṁ nato’ham ॥2॥
Verse 3
तुषाराद्रिसङ्काशगौरं गभीरं
मनोभूतकोटिप्रभाश्री शरीरम् ।
स्फुरन्मौलिकल्लोलिनी चारुगङ्गा
लसद्भालबालेन्दु कण्ठे भुजङ्गा ॥३॥
tuṣārādri saṅkāśa gauraṁ gabhīraṁ
manobhūta koṭiprabhā srī śarīram ।
sphuranmauli kallolinī cāru gaṅgā
lasad-bhāla-bālendu kaṇṭhe bhujaṅgā ॥3॥
Verse 4
चलत्कुण्डलं भ्रूसुनेत्रं विशालं
प्रसन्नाननं नीलकण्ठं दयालम् ।
मृगाधीशचर्माम्बरं मुण्डमालं
प्रियं शङ्करं सर्वनाथं भजामि ॥४॥
calat-kuṇḍalaṁ bhrū sunetraṁ viśālaṁ
prasannānanaṁ nīlakaṇṭhaṁ dayālam ।
mṛgādhīśa-carmāmbaraṁ muṇḍamālaṁ
priyaṁ śaṅkaraṁ sarvanāthaṁ bhajāmi ॥4॥
Verse 5
प्रचण्डं प्रकृष्टं प्रगल्भं परेशं
अखण्डं अजं भानुकोटिप्रकाशम् ।
त्रयः शूलनिर्मूलनं शूलपाणिं
भजेऽहं भवानीपतिं भावगम्यम् ॥५॥
pracaṇḍaṁ prakṛṣṭaṁ pragalbhaṁ pareśaṁ
akhaṇḍaṁ ajaṁ bhānu-koṭi-prakāśam ।
trayaḥ śūla-nirmūlanaṁ śūlapāṇiṁ
bhaje’haṁ bhavānī-patiṁ bhāvagamyam ॥5॥
Verse 6
कलातीतकल्याणकल्पान्तकारी
सदासज्जनानन्ददाता पुरारी ।
चिदानन्दसन्दोहमोहापहारी
प्रसीद प्रसीद प्रभो मन्मथारी ॥६॥
kalātīta kalyāṇa kalpāntakārī
sadā sajjan-ānanda-dātā purārī ।
cidānanda-sandoha-mohāpahārī
prasīda prasīda prabho manmathārī ॥6॥
Verse 7
न यावदुमानाथपादारविन्दं
भजन्तीह लोके परे वा नराणाम् ।
न तावत्सुखं शान्ति सन्तापनाशं
प्रसीद प्रभो सर्वभूताधिवासम् ॥७॥
na yāvad-umānātha-pādāravindaṁ
bhajantīha loke pare vā narāṇām ।
na tāvat sukhaṁ śānti santāpa-nāśaṁ
prasīda prabho sarva-bhūtādhi-vāsam ॥7॥
Verse 8
न जानामि योगं जपं नैव पूजां
नतोऽहं सदा सर्वदा शंभु तुभ्यम् ।
जराजन्मदुःखौघतातप्यमानं
प्रभो पाहि आपान्नमामीश शम्भो ॥८॥
na jānāmi
yogaṁ japaṁ naiva pūjāṁ
nato’haṁ
sadā sarvadā śambhu tubhyam ।
jarā janma duḥkhaugha
tātapyamānaṁ
prabho pāhi
āpanna-mām-īśa śambho ॥8॥